ازاى تحافظ على تليفونك من السرقة ولو اتسرق ازاى تجيبة ؟

\

بسم الله والصلاة والسلام على اشرف الخلق سيدنا محمد (علية افضل الصلاة والسلام)
طبعا كلنا معانا موبايلات وكلنا بنحفظ اسرارنا على الموبايل الخاص بينا وبتبقى مشكلة كبيرة جدا لو التليفون دا اتسرق ف انهارده ان شاء الله هنعرف طرق جميلة للحفاظ على التليفون من السرقة او لو اتسرق لقدر الله ازاى نرجعة تانى ؟ تابعونا...

  • بالنسبة للناس اللى بطارية تليفونها مش بتتخلع يعنى بلت ان
اولا يجب تحميل تطبيق Smart Lockscreen protector‏ التطبيق ده فيه ميزة جميلة جدا وهى ان التليفون لو حد سرقة وحاول يدخل باسورد او يفصل التليفون من زر الباور التليفون مش هيفصل نهائياً مهما عمل التليفون شغال كدا احنا ضمنا ان التليفون مش هيتقفل ...

ثانيا يجب ايضاً تحميل تطبيق Find My Device وهو التابع لشركة جوجل والجميل فى التطبيق ده هو انه ممكن يخليك ترن على الموبايل بتاعك وميفصلش ابدا غير لو صاحبة مسكة ودخل الباسورد بتاع الموبايل
وممكن كمان من خلال التطبيق ده انك تبعت رسالة تظهر على الموبايل ولنفترض مثلا انك هتبعت "الموبايل ده بتاعى رجعوة يا ولاد الحلال"
التطبيق ده كمان ممكن من خلالة تحذف كل حاجه على التليفون رسايل وصور وفيديوهات وكل حاجه
وممكن كمان تعرف مكان التليفون ودا لازم يكون التليفون المسروق متشغل عليه نت وGPS

  • بالنسبة بقى للناس اللى بطارية تليفونهم بتتخلع
هتحمل تطبيق اسمة AVG Antivirus التطبيق دا ممكن من اعداداتة الداخلية تخلى ان مجرد ما التليفون يتسرق واللى سرقة حرك البطارية او الخط او الكارت التليفون بيقفل ومش بيشتغل تانى نهائيا الا لو صاحبة مسكة ودخل الباسورد اللى هوا عاملة بالتالى ضمنت حتى ان التليفون لو اتسرق هيتعملة سوفت بالتالى كل حاجه علية هتتحذف زى اكونت الفيس الخ..



  • نصائح للحافظ على تليفونك من السرقة
1- التليفون متحطهوش على ودنك ابدا وانت ماشى فى الشارع حاول تستخدم الهاند فرى هات ارخص هاندفرى واستخدمه وانت فى الشارع ولو اطريت انك تستخدم التليفون خلى التليفون ناحية الرصيف متحطهوش ناحية الناس.
2- ولو راكب عربية متحطش التليفون على ودنك اللى ناحية الشباك

فى النهاية لو حد تليفونة اتسرق ممكن يعمل محضر بالعلبة بتاعة الموبايل واللى بيكون عليها سيريال يمكن من خلالة الشرطة تتواصل على السارق

اتمنى يكون الموضوع اعجبكم وانتظرونا فى مواضيع اخرى

تعليقات

شات ميلودى - نلتقى لنرتقى اصدقاء للابد